Նորություններ

Ապրիլյան պատերազմում վիրավորված Էրիկ Բաբայանն այսօր ինքուրույն առաջին քայլերն է կատարել

Ապրիլյան պատերազմում վիրավորված Էրիկ Բաբայանն այսօր ինքուրույն առաջին քայլերն է կատարել

2016 թվականի ապրիլյան պատերազմի ժամանակ վիրավորված, առաջին կարգի հաշմանդամ Մարտակերտի շրջանի Թալիշ համայնքի 28-ամյա բնակիչ Էրիկ Բաբայանը մեկ ու կես տարի տեւած անշարժությունից հետո կոնքազդրային հոդի տոտալ էնդոպրոթեզավորման արդյունքում այսօր ինքնուրույն առաջին քայլերն է կատարել, հաղորդում է «Արցախպրես»-ը։

«2016 թվականի ապրիլի 10-ին՝ առավոտյան ժամը 8-ի կողմերը հակառակորդի կողմից արձակված արկից, ծանր վիրավորում եմ ստացել: Երբ գիտակցությունս վերականգնվել է, արդեն գտնվում էի Երեւանի «Էրեբունի» բժշկական կենտրոնում: Կատարած բուժումների արդյունքում որոշ չափով ապաքինվել եմ, բայց չէի կարողանում քայլել: Այնուհետեւ վերադարձել եմ Մարտակերտ, որտեղ ապրում է ընտանիքս: Շատ դժվարությունների եմ դիմակայել, խոչընդոտներ հաղթահարել, բայց չեմ կորցրել հույսս, որ մի օր ամբողջովին կապաքինվեմ: Այսօր, փառք Աստծո, ես նորից ոտքի եմ կանգնում»,- ասել է Էրիկը:

Նշենք, որ հոկտեմբերի 27-ին, ԱՀ առողջապահության նախարարության հրավերով Երեւանի «Իզմիրլյան» բժշկական կենտրոնի տնօրեն Արմեն Չարչյանը Ստեփանակերտում իրականցրել է 2016 թվականի ապրիլյան պատերազմի ժամանակ վիրավորված, առաջին կարգի հաշմանդամ, Մարտակերտի շրջանի Թալիշ համայնքի 28-ամյա բնակիչ Էրիկ Բաբայանի կոնքազդրային հոդի տոտալ էնդոպրոթեզավորում:

 

 

Բժիշկները նրան հետ բերեցին այն աշխարհից. Լեռնային Ղարաբաղում վիրավորված Էրիկի մայրը

 

 

Սկզբնաղբյուր. med.news.am

01.11.2017