Օրթոպեդիա և վնասվածքաբանություն

 

«Իզմիրլյան» բժշկական կենտրոն. Օրթոպեդիա և վնասվածքաբանություն


Գործունեությունը

Բաժանմունքը ստեղծվել է 2001թ.: Այսինքն առկա է հարուստ աշխատանքային փորձ: Այստեղ բուժօգնություն են ստանում ինչպես պրոֆեսիոնալ, այնպես էլ սիրողական սպորտով զբաղվող և պարզապես ակտիվ կենսակերպ վարող մարդիկ: Սկսած 2013թ-ից կենտրոնը համալրվել է ժամանակակից նորագույն տեխնոլոգիաներով և սարքավորումներով, ինչը հնարավորություն է տալիս կիրառելու վիրաբուժության նորագույն մոտեցումներ՝ վնասվածքների բուժման գործում:

 

2014 թ. հունիսից պրոֆեսոր Արմեն Չարչյանը նշանակվեց «Իզմիրլյան» ԲԿ տնօրեն և իր աշխատանքային թիմով՝ օրթոպեդ-վնասվածքաբաններ Սահակ Սարիբեկյանի և Ստեփան Մաթոսյանի հետ տեղափոխվեցին բուժհաստատություն։

 

Թիմը տեղափոխվել է բարդ, բազմապրոֆիլ վնասվածքաբանությամբ զբաղվող բաժանմունքից սահմանափակ գործառույթներ կազմակերպող բաժանմունք, որն իր կառուցվածքով, աշխատաոճով չէր կարող կատարել այն ամենը, ինչ ենթադրվում էր, որ պետք է կատարվեր օրթոպեդիա և վնասվածքաբանության բաժանմունքում:


Մեկ տարվա ընթացքում թիմին միացան Սահակյան Արմանը,   Ալեքսանդր Արզումանյանը և Արթուր Մարտիրոսյանը և մի խումբ կլինիկական օրդինատորներ:

«Իզմիրլյան» բժշկական կենտրոն. Օրթոպեդիա և վնասվածքաբանություն
Այսօր  այդպիսի մեծ թիմի աշխատանքի շնորհիվ բաժանմունքը մեծ հաջողությունների է հասել, միայն 2018թ-ին կատարվել է մոտավորապես 890 վիրահատություն` 100-ով ավելի նախորդից: Այսօր վիրահատությունների քանակով բաժանմունքն առաջինն է և  խոշոր հոդերի էնդոպրոթեզավորման բացարձակ առաջնորդը  հանրապետությունում:

 

Խոշոր հոդերի էնդոպրոթեզավորումը բավականին բարդ գործառույթ է և որակյալ բուժօգնություն ցուցաբերելու համար, բժշկի վարպետությունից զատ, նաև այլ բազմաթիվ գործոններ են անհրաժեշտ՝ ինչպես կազմակերպչական, այնպես էլ` նյութական: Ունենք նպատակներ, որոնք պետք է լուծենք` հիվանդների հետվիրահատական վարումից մինչև որոշակի իրավական հարցեր, որոնցով կկարողանանք ապահովագրել և՛ մեր հիվանդներին, և՛ մեր բժիշկներին:


Ծրագրերից մեկը հիվանդների ապահովագրությունն է հետվիրահատական բարդություններից՝ էնդոպրոթեզավորման ժամանակ:
Ունենք որոշակի սխեմա, և այս տարի տարբեր ապահովագրական ընկերությունների հետ ծրագիր  կա համագործակցել և իրականացնել այն: Առայսօր Հայաստանում նման փորձ չկա:


«Իզմիրլյան» ԲԿ տնօրեն, պրոֆեսոր Արմեն Չարչյանը նաև Երևանի պետական բժշկական համալսարանի վնասվածքաբանության և օրթոպեդիայի ամբիոնի վարիչն է, հետևաբար բաժանմունքում իրականացվում է ոչ միայն բուժական աշխատանք, այլև ուսումնական պրոցես և այն 3 հիմնական բազաներից է։

 

«Իզմիրլյան» բժշկական կենտրոն. Օրթոպեդիա և վնասվածքաբանություն

 

Հիմնական գործունեության ուղղություններն են.

 

  • էնդոպրոթեզավորման զարգացումը,
  • ուսահոդի փակ վիրահատությունները,
  • արթրոսկոպիա

 

Սահակ Սարիբեկյան, բաժանմունքի վարիչ

Վիրահատական միջամտությունների ցանկ

 

    Արթրոսկոպիա (ուսային, ծնկան, արմնկային, սրունք-թաթային արթրոսկոպիկ ռեկոնստրուկցիաներ)
    Խոշոր հոդերի էնդոպրոթեզավորում
    Սպորտային վնասվածքների վիրաբուժական և կոնսերվատիվ բուժում
    Հենաշարժական համակարգի բնածին և ձեռքբերովի խնդիրների ռեկոնստրուկտիվ վիրահատություններ
    Կոտրվածքների հետ կապված վիրահատություններ
    Տարբեր ախտաբանական ծագման հոդացավերի կոնսերվատիվ բուժում
    Ոտնաթաթերի մատների դեֆորմացիաների շտկում
    Հետվիրահատական վերականգնողական թերապիա



Սպորտային “առանձնահատկություններ”

Սպորտային վնասվածքները մի շարք նրբություններով տարբերվում են ընդհանուր վնասվածքաբանության խնդիրներից: Ոչ գրագետ միջամտության դեպքում մարզիկը կարող է կորցնել իր սպորտային հմտություններն ու այդ բնագավառի համար “անպիտան” դառնալ: Այդ պատճառով բուժական անձնակազմի նեղ մասնագիտացված կրթությունն ու համապատասխան տեխնիկական հագեցվածությունը պարտադիր պայմաններ են սպորտային վնասվածքի վերականգնման համար:

 

«Իզմիրլյան» բժշկական կենտրոն. Օրթոպեդիա և վնասվածքաբանություն
Ամենատարածված վնասվածքները

Դրանցից առաջինը սրունք-թաթային շրջանի վնասվածքներն են: Տարածված են նաև ծնկան հոդի վնասվածքները` ջլային ապարատի, մենիսկների հետ կապված խնդիրները,որոնց դեպքում կարող են տեղի ունենալ անվերադարձ փոփոխություններ,հոդի ու աճառի քայքայումներ, եթե ճիշտ ժամանակին չարվեն ախտորոշումն ու վիրահատական միջամտությունը: Հաճախ հանդիպող խնդիրներից են ուսային հոդի շրջանի մկանաջլային հյուսվածքների վնասվածքները, որոնց համար առանձնահատուկ մոտեցում է պահանջվում այսպես կոչված` “overhead activity” մարզաձևերի դեպքում (լող, թենիս, վոլեյբոլ, բասկետբոլ և այլն): Շատ են հանդիպում նաև արմնկային ու դաստակային հոդերի հետ կապված վնասվածքները:


Ի՞նչ է արվել մինչ օրս
Բաժանմունքում վիրահատական միջամտություն է ստացել մոտ 500 մարզիկ՝ ինչպես        Հայաստանից, այնպես էլ արտերկրից (Վրաստան, Ռուսաստան, Ղազախստան,      Ուկրաինա, անգամ Գերմանիա և Նիգերիա): Մինչ այժմ այստեղ կատարվել է շուրջ 2500  տարաբնույթ վիրահատություն, մասնավորապես՝ ծնկան հոդի խաչաձև և կողմնային կապանների ռեկոնստրուկտիվ վիրահատություններ, մենիսկների վերականգնման վիրահատություններ,ինչպես նաև աճառային հետտրավմատիկ դեֆեկտների   վերականգնում, մոզաիկոպլաստիկա և այլն:


Հայտնի մարզիկներ՝ մեր բաժանմունքում

Բաժանմունքի մասնագիտացված անձնակազմի շնորհիվ՝ պրոֆեսիոնալ սպորտ են վերադարձել այնպիսի անվանի մարզիկներ, ինչպիսիք են Ռոմիկ Ամոյանը /ընբշամարտի Եվրոպայի բազմակի չեմպիոն/, Նազիկ Ավդալյանը /ծանրամարտի աշխարհի չեմպիոն/, Մելինե Դալուզյանը /Եվրոպայի բազմակի չեմպիոն/ և այլոք: Իրենց առողջությունը (հին վնասվածքներով) մեզ են վստահել այնպիսի լեգենդար մարզիկներ, ինչպիսիք են օլիմպիական եռակի չեմպիոն Ալբերտ Ազարյանը, Արարատ 73-ի անվանի շատ ֆուտբոլիստներ:

 

 

 

 

Բաժանմունքն ունի նորագույն տեխնիկական հագեցվածություն:

«Իզմիրլյան» բժշկական կենտրոնում կիրառվում են Հայաստանի Հանրապետությունում գործող հիվանդների սպասարկման բոլոր ձևաչափերը. դա և՛ շահառուներն են, և՛ պետպատվերով հիվանդները, և՛ սոցանապահով հիվանդները, և ապահովագրված անձինք, և՛ վճարովի համակարգով սպասարկվողները: Յուրաքանչյուրը ընդունվում է ըստ իր սոցիալական կարգավիճակի և օրենքի տառի համաձայն:

Բաժանմունքում բուժվում են սուր վնասվածքներ, օրթոպեդիկ տարբեր խնդիրներ, կատարվում են ախտահարված հոդերի վիրահատություններ, էնդոպրոթեզավորումներ և այլն:

Բաժանմունքում իրականացվում է թիմային աշխատանք։

Բաժանմունքի բոլոր բժիշկներն անցնում են վերապատրաստումներ:


Օրթոպեդ-վնասվածքաբան Գուրգեն Բախտամյանը բազմաթիվ անգամներ Եվրոպայում և ԱՄՆ-ում ոտնաթաթի ախտերով պատրաստված  բժիշկ է, Ստեփան Մաթոսյանը ուսանել է Եվրոպայում, ԱՄՆ-ում, Ռուսաստանի դաշնության առաջատար կլինիկաներում ուսահոդի և ծնկան հոդի խնդիրներով

։
Սահակ Սարիբեկյանը վերջին 3 տարվա ընթացքում 5-6 անգամ վերապատրաստվել է և՛ ծնկան հոդի, և՛ կոնքազդրային հոդի էնդոպրոթեզավորմամբ` Սանկտ Պետերբուրգում ու Մոսկվայում:

Բաժանմունքը համագործակցում է հանրապետության բոլոր օրթոպեդիկ կենտրոնների, ծառայությունների հետ և արտերկրի գործընկերների հետ` Մոսկվայում, Վրեդենի ինստիտուտում, ԱՄՆ-ում, Եվրոպայում:


2017 թվականի սեպտեմբերից սպորտային տրավմայի և օրթոպեդիայի բաժանմունքի վարիչ  է նշանակվել օրթոպեդ-վնասվածքաբան ՝ Սահակ Սարիբեկյանը։

 

 

Բաժանմունքի հեռ.՝ +374 10 24 28 15

Մասնագետները

Սահակ Սարիբեկյան

Սահակ Սարիբեկյան

օրթոպեդ-վնասվածքաբան
Մանրամասն
Ալեքսանդր Արզումանյան

Ալեքսանդր Արզումանյան

օրթոպեդ-վնասվածքաբան
Մանրամասն
Արթուր Մարտիրոսյան

Արթուր Մարտիրոսյան

օրթոպեդ-վնասվածքաբան
Մանրամասն